ཡུས་ཧྲུའུ་གྲོང་ཁྱེར་ནི་བརྩེ་བ་ཆེན་པོ་གཅིག་ཏུ་འདུས་པའི་ས་ཆ་ཞིག་ཡིན་ལ། དུས་ནམ་ཡང་བརྩེ་ཆེན་འབྱུང་བའི་སྟོབས་ཤུགས་ཀྱང་ཡོད། གཏིང་མཐུག་གི་དྲིན་ཚོར་རིག་གནས་དང་བདག་མེད་ཀྱི་དམངས་དོན་འགན་འཁྲི་ཡིས་“གྲོང་ཆུང་བརྩེ་ཆེན་”གི་འཛད་མཐའ་མེད་པའི་བསམ་པའི་སྒུལ་ཤུགས་ཤིག་བསྐྲུན་ཡོད། 

ཟླ་10བའི་ཚེས་31ཉིན་གྱི་ཕྱི་དྲོ། ཁུལ་ཨུད་དང་ཁུལ་མི་དམངས་སྲིད་གཞུང་གི་འགྱུར་མེད་སྟོབས་ལྡན་གྱི་འགོ་ཁྲིད་དང་ཞིབ་ཕྲའི་མཛུབ་ཁྲིད་འོག་ནས་ཡུས་ཧྲུའུ་གྲོང་ཁྱེར་གྱིས་ཧྲུའུ་ཅི་ཞིན་ཁྲང་ཤིང་གིས་་“རིམས་ནད་སྔོན་འགོག་ཚོད་འཛིན་ལ་གནད་འཁེལ་དགོས། དམངས་འཚོར་ཞབས་ཞུ་ལས་དོན་ལ་དྲོད་ཚད་དགོས་”ཞེས་པའི་གསུང་བཤད་ཀྱི་དགོངས་དོན་ལག་བསྟར་དོན་འཁྱོལ་མཐའ་གཅིག་ཏུ་བྱས་པ་དང་། “གྲོང་ཆུང་བརྩེ་ཆེན་དང་མི་དམངས་མཆོག་ཏུ་བརྩི་བའི”འདུ་ཤེས་གཏིང་ཟབ་ཆུད་པ་བྱས་ཏེ་ནོར་སྲིད་མ་དངུལ་སྤྱི་འདོམས་བྱས་ནས“དངོས་པོ་དང་སྡེབ་སྐྱེལ”གྱི་བྱེད་ཐབས་སྤྱད་དེ་མང་ཚོགས་ལ་སྔོ་ཚལ་སྣ་ཁ་སྣ་ཚོགས་ལས་གྲུབ་པའི“བརྩེ་བའི་ལེགས་སྐྱེས་”གྲོང་ཁུལ་གཙོ་བོའི་གྲོང་མི་ཡོངས་ལ་རིན་མེད་ངང་སྤྲོད་ནས། རིམས་ནད་སྔོན་འགོག་བྱེད་རིང་གྲོང་ཁྱེར་ཡོངས་ཀྱི་མི་དམངས་མང་ཚོགས་ལ་སྔོ་ཚལ་གསར་པ་བཟའ་རྒྱུ་ཡོང་བ་བྱས་ནས་ཏང་ཨུད་དང་སྲིད་གཞུང་གི་ཐུགས་ཁུར་གཅེས་སྐྱོང་ཚོར་ཐུབ་པ་བྱས། 

ལེགས་སྐྱེས་འབུལ་བ་ནས་བཟུང་མང་ཚོགས་ཚོགས་པའི་དང་བླངས་པ་དང་། འབྲེལ་གཏུག་རོགས་སྐྱོར་ཚན་པ། སྡེ་ཁུལ་གྱི་ལས་དོན་མི་སྣ་བཅས་ཀྱིས་ཉིན་མཚན་དབྱེ་མེད་ངང་ཆུ་ཚོད་24ཡི་ལས་ཀའི་ལམ་ལུགས་དོན་འཁྱོལ་ནན་པོ་བྱས་ནས་གྲོང་མི་ཡོངས་ལ་སྔོ་ཚལ་གོ་རིམ་ལྡན་པའི་ངང་སྐྱེལ་བཞིན་ཡོད་པ་རེད། མང་ཚོགས་ལག་ལ་འབྱོར་རྗེས་དྲ་རྒྱའི་ཐོག་རང་འགུལ་གྱིས་དྲིན་ཚོར་དང་ཏང་ཨུད་སྲིད་གཞུང་ལ་ཐུགས་རྗེ་ཆེ་ཞུ་བའི་གླེང་ཕྱོགས་ཀྱི་ཚ་རླབས་ཤིག་འཕྱུར་ནས་ཡུས་ཧྲུའུ་གྲོང་ཁྱེར་ནི“དྲོད་ཚད”ལྡན་པའི་གྲོང་ཁྱེར་ཞིག་ཡིན་པའི་གཟི་མདངས་སྟོན། 

དུས་མཚུངས་སུ། མིག་སྔའི་མང་ཚོགས་ཁག་ཅིག་ལ་“བརྩེ་བའི་ལེགས་སྐྱེས་”ཐོབ་མེད་པའི་གནད་དོན་ལ་དམིགས་ནས། ང་ཚོས་ཞུ་རྒྱུ་ཞིག་ནི་མིག་སྔའི་རིམས་ནད་སྔོན་འགོག་ཚོད་འཛིན་གྱི་རྣམ་པ་དང་རང་རེའི་གྲོང་ཁྱེར་གྱི་གྲོང་མིའི་སྡོད་ཁུལ་ཁྱབ་ཁོངས་རྒྱ་ཆེ་བའི་དངོས་ཡོད་རྒྱུ་རྐྱེན་ལ་གཞིགས་ནས་ལེགས་སྐྱེས་སྡེབ་སྐྱེལ་ལ་བལྟོས་བཅས་ངང་ནར་འགྱངས་ཅུང་ཙམ་བྱུང་། དེ་བས་“བརྩེ་བའི་ལེགས་སྐྱེས་”ལག་ལ་མ་འབྱོར་བའི་ཁྱིམ་ཚང་གིས་བྲེལ་འཚུབ་མ་ལོངས། ལས་དོན་མི་སྣས་གནད་འཁེལ་དང་གོ་རིམ་ལྡན་པའི་ངང་སྡེབ་སྐྱེལ་བྱེད་རྒྱུ་རེད། ང་ཚོས་དུད་ཚང་གཅིག་ཀྱང་མི་ལུས་པའི་འགན་ལེན་མཐའ་གཅིག་ཏུ་བྱས་ནས་ཏང་ཨུད་དང་སྲིད་གཞུང་གི་གཅེས་སེམས་དུད་ཚང་ཚང་མར་སྐྱེལ་ཐུབ་པ་བྱ་རྒྱུ་ཡིན། 

“བརྩེ་བའི་ལེགས་སྐྱེས་”མ་འབྱོར་བའི་ཁྱིམ་ཚང་དག་གིས་སྡེ་ཁུལ་གྱི་ལས་སྒྲུབ་ཚོགས་པ་དང་འབྲེལ་གཏུག་ཁ་པར་སོགས་ཀྱི་ཐབས་ལམ་བརྒྱུད་དེ་སྡེ་ཁུལ་གྱི་འགན་འཁུར་པར་གནས་ཚུལ་ལྡོག་འདྲེན་བྱས་ཆོག དེ་དང་ཆབས་ཅིག་རྒྱ་ཆེའི་གྲོང་མི་དང་གྲོགས་པོ་ཚོས་བཟོད་སྒོམ་དང་བསམ་ཤེས་མང་ཙམ་བྱས་ནས།“རིམས་ནད”སྔོན་འགོག་གི་དམག་འཐབ་འདིའི་ཁྲོད་དུ་ང་ཚོའི་སྡེ་ཁུལ་རེ་རེ་དང་། ཁུལ་ཆུང་རེ་རེ། གྲོང་མི་རེ་རེ་བཅས་ཚང་མ་ནི་ཁྱིམ་གཞིས་སྲུང་སྐྱོང་དང་ཐུན་མོང་རིམས་འགོག། རྒྱལ་ཁ་ལེན་ཐུབ་པ་བཅས་ཀྱི་གལ་ཆེན་གྱི་གྲུབ་གཞི་དག་དག་ཡིན་པས། ང་ཚོས་མཉམ་འགོག་མཉམ་བཅོས་ཀྱི་བྱེད་ཐབས་དོན་འཁྱོལ་ཡག་པོ་བྱས་ཏེ། མཉམ་འགོག་མཉམ་བཅོས་ཀྱི་འགོག་སྲུང་འཛིང་རགས་སྲ་མོར་ཞིག་བསྐྲུན་དགོས། སྐུ་ཉིད་ཀྱི་རྒྱབ་སྐྱོར་དང་གཞོགས་འདེགས་གནང་རྒྱུའི་ཡིད་ཆེས་ཡོད་ལ་ནད་ཡམས་ཀྱི་སྨུག་རྡུལ་ཡང་འཇའ་ཡལ་བ་ལྟར་དུ་འགྱུར་བ་ཁོ་ཐག་རེད།